Zerain kultur parkeak landa-herri txiki honen ohituren eta bizimoduaren bilakaera erakutsi nahi du. Zeraingo biztanleen auzolanaren ondorioa da. Bertako ondarea berreskuratu eta museo etnografikoa prestatu dute.
Zerain Goierriko herri txiki bat da, betidanik baserri giroan bizi izan diren 250 biztanle dituena. Bertako jendea beste herrietara ez aldegiteko ahaleginetan, Zerain bere ondarea berreskuratzen eta bere nekazaritza-produktuak sustatzen ari da. Ildo horretatik, museo etnografikoa jaio zen, eta herriaren biziraupen prozesu historikoa adierazten duten tresna, altzari, lanabes, dokumentu, etab. biltzen ditu. Museoa Zeraingo herritarrek borondate onez utzi dituzten erakusgaiei esker osatu ahal izan da.
Museo etnografikoak "kultur parke" bokazioa du eta herriko beste balioetara hedatzen da: 1711 urtean eraiki zen kartzela, Aizpeako meategiak, uraren indarrez baliatzen zen Larrondoko zerrategia...