Mineralogia eta paleontologia zaleek ongi asko estimatuko dute Aguado-Goñi sendiak Urretxuko Udalari denboraldi baterako utzi zion bilduma, geroago eta Gipuzkoako Foru Aldundiaren laguntzaz, Udalak erosi eta handitu zuena guztion eskura dagoen museo bihurtu arte.
Mineralen aretoan 1000 beira-erakustoki txiki daude, materialen tipologiaren arabera hamaika horma-erakustoki handietan banatuta. Mineral bakoitzaren -haietatik asko Euskal Herrian jasotakoak- hasierako izena, jatorria eta formula kimikoa ezagutuko ditugu. Fosilak, bost kontinentetatik ekarriak, denboraren ordulari gisa aurkezten dira, geologia-aro bakoitza erakusteko.
Museoa Urretxuko Kulturretxeko beheko solairuan kokatuta dago.