Sagardoetxea, Euskal Sagardoaren Museoa, sagardoaren kulturan barneratzeko leku egokia da.
Museoak gaur egunean sagarra eta sagardoaren historia eta errealitatera gerturatzeko hiru gune berezitu dauzka: sagastia, museo-gunea eta dastaketa gunea.
Sagastia aire librean dagoen gunea da, sagarraren kultura modu dinamiko eta pedagogikoan ikusteko aukera ematen duena. Bertan sagar barietate ezberdinak, txertaketak eta sagarra biltzeko, txikitzeko eta prentsatzeko moduak ikusten dira.
Sagastiaren alboan museo-gunea aurkitzen da. Bertan, sagardogilearen tresna, ikusentzunezko, azalpen panel, joku eta argazki ezberdinen bitartez, mila urteko usadio honen iragana, oraina eta sagarra eta sagardoaren etorkizuna eta sagardoaren kulturaren inguruko ohiturak ezagutzen dira.
Hirugarren gunea sagardoa txotx eran eta Sagardoetxeak aukeraturiko Gozo Gozo produktuen dastaketari zuzendua dago: muztioa, likorea eta sagar dultzea. Sagardotegira joan aurretik erritua ezagutu eta sagardoaren dastaketaren inguruko sekretu guztiak ezagutzeko aukera ematen duen txotx-eko errituan hastapena egiten da: edalontzia hartzeko modua, ikusmen azterketa, kolore ezberdinen esanahiak eta zapore ezberdinen bereizketa.