Bizkaiko eskualdean, Kantabriarekin mugan, Armañon edo Raneroko parke naturala Enkarterrietan dago, bere paisaia altxorra da. Karrantza eta Agüera ibaien arteko haitzartetik luzatzen da, landa-izaera menditarraz. 2.996 hektarea ditu. Armañon mendia (854 m) tontorrik altuena da hor, baina badira beste mendi aipagarriak ere, horien artean, Ranero (737 m), Surbias (638 m) eta Los Jorrios (837 m).
Karrantzaren ezaugarri nabarmenetakoa bere kareharrizko paisaia da, haitz zorrotzen domeinu, leize eta kobazuloen labirinto. Karrantzako koba eta leize ugarien artean (200etik gora) Pozalagua kobazuloa da ezagunena. Ranero auzoaren ekialdean kokatua (2 Km), ez zen 1957 urtea arte ezagutu. Pozalaguako berezitasun aipagarriena estalaktita eszentriko ugari izatea da, norabide guztietan hazten direnak. Leizeen artean, aipagarriena Torca del Carlista da, Europako gela handienetako bat, 400 m luze, 250 m zabal eta 90 m altu dena.