Laida Bizkaiko hondartza da eta Ibarrangeluko udalerrian aurkitzen da. Urdaibaiko Biosferaren Erreserban kokatua dago.
Ia kilometro bateko zabalera dauka, hondarra fina eta urre-kolorekoa du, eta Mundakako handiena da. Ugariak dira bertan egin daitezkeen kirolak: windsurf, piraguismo, bela... Baina, ezbairik gabe, surfa da kirol nagusia, hondartzaren aurrez aurre eta kanpoaldera Mundakako olatu ospetsua aurkitzen baita. Mundu osoko surflarien artean da ezaguna.
Laida ondo prestatutako eta ondo hornitutako hondartza da. Hondartzainak ditu, eta aparkalekuak parean, edota dutxak, komunak, aldagelak, oinak garbitzeko iturriak, bizikleta-guardak eta ostalaritza zerbitzua.
Aipagarria da uraren sakonera txikia, haurren bainurako ezin aproposagoa. Gainera, erdi-erdian, itsasadarrerako behatoki ederra bihurtzen den duna eder bat sortzen da. Han barrenean, Izaro uhartea.
Laidako hondartzak ISO 9001 eta ISO 14001 kalitate eta ingurugiro ziurtagiriak lortu ditu, hurrenez hurren.