Itsasora bidean urak Altube ibaira isurtzen dituen Jaundia ibaia kare-harrizko malkar batetik 100 metro amiltzen da, izugarrizko ikuskizuna gauzatuz. Uraren higadura etengabeari esker, harkaitzak leundu egin dira eta, ondorioz, malkarrak atzera egin du, gaur egungo ur-jauzia zirkua eratu arte. Material bakoitza modu desberdinean higatu denez, ur-jauziko paretek harmailak dirudite.
Udan emari txikia ekartzen du, eta beraz, ikusteko garairik hoberenak udaberria eta udazkena dira, garai horietan okre, gorri eta urre kolorez estalirik egoten baitira inguruko harizti eta pagadiak. Ur-jauzia ikusteko badago behatoki bat. Hartara iristeko, A-2521 errepidearen eskuinaldetik ateratzen den bidea hartu behar da, Izarratik Goiurira iritsi baino lehen.