Jaialdia kultura ekitaldi garrantzitsuenetako bat da gasteiztarrentzat, eta erreferente bat espainiar hiri askorentzat. Jaialdiak lau hamarkada darama estatuko zein nazioarteko antzerkiaren ikuspegi zabala eskaintzen, genero guztiak kontuan hartuz, antzerki klasikotik hasita abangoardisteneraino.
Antzerki jaialdia funtsezko tresna da Gasteizen eta Araban antzezte arteak sustatzeko. Duela lau hamarkada sortu zenetik, jaialdiak hainbat belaunalditako milaka pertsonari ireki dizkie ateak; ikusle fidel, zorrotz eta aditu horiek orain hiriko antzokiak betetzen dituzte.