Estibalizko Andre Mariari eskaintzen zaion eliza, arabar erromanikoaren monumenturik esanguratsuenetakoa (XII. mendea), muino batean dago, Argandoña herrixkaren gainean. Elizak gurutze latindar formako oinplanoa du gurutzadura handi batekin, habearte bakarra hiru ataletan zatituta, eta hiru kapera asimetriko barrualdean, elkarren artean bereiztuta.
Ate nagusia, "Porta spaciosa" ere esaten zaiona, hegoaldean dago, gurutzaduraren altueran, eta dituen apaingarri eskultorikoengatik, bera da elizako elementurik nabarmenena. Gurutzadura XVIII. mendekoa da eta ojiba-gangaz estalita dago. Kanoi-ganga zorrotza du bere bi ataletan eta arku-fajoiz hornituta ageri da. XII. mendeko eliz barruko Estibalizko Andre Mariaren irudia oso ederra da.