Ikusgarria da Elorrio, han diren jauregi eta oinetxeen edertasunari eta ugaritasunari esker. Batez ere XVII. eta XVIII. mendeetan eraiki zituzten jauregiak. Elorrio izan zen Gune Historiko eta Artistiko izendapena era ofizialean hartu zuen Bizkaiko lehenengo herria, 1964an.
Gernikako Arbola plazan Udala eta Sortzez Garbiaren basilika daude. Parean, Don Tello plazan, Arezpakotzaga jauregiaren alboan dago. Antzinako harresiak zituen sei ateetatik geratzen den bakarra. Bidegurutze batean Tola jauregia (Urkizu) topatuko dugu. San Agustin auzoan San Agustin eliza dago. Santa Anako monasterioan Berrio-Otxoaren museoa atondu dute.