Lasaitasuna eta patxada behar baduzue, hemen dago gure baserria, Artizarra. Oso ingurune lasai eta isilean. Berdegune zabala, zuhaitzak, erreka, frontoia eta aparkalekua ditu inguruan etxeak.
Artizarrak 100 m2 ditu, bi solairutan banatuta, jabeok bizi garen eraikin berean, baina sarrera independentearekin (etxearen eskuineko erdia da). Beheko solairuan bi logela daude ohe bikoitzekin (horietako bat bi ohekoa bihur daiteke) eta sukalde txiki bat duen egongela bat, sofak, telebista eta negurako tximinia dituena. Bigarren solairuan gela handiago bat dago, ohe osagarri baterako aukerarekin. Gela bakoitzak bere bainugela du dutxarekin. 6 heldu eta haur batentzako edukiera du. Barruan ezin da erre.
Etxearen inguruan eta lorategian mahaiak eta aulkiak, picnic motako mahaiak eta hamakak ditugu, otorduak egiteko, irakurtzeko edo lasai hitz egiten egoteko.
Haurrekin zatozten familiei esan behar dizuegu Eusko Jaurlaritzaren Familia Turismoaren zigilua lortu dugula. Zuen erosotasunerako eta lasaitasunerako, sehaska, ohe osagarria, aulkietarako trona, pixoihalen aldagailua, bainuontzi puzgarria, komuneko erreduktorea, pixontzia, eskailera-babeslea, ipuinak eta jolas batzuk ditugu.
Gainera, gure katuez, oiloez, txakurraz, poniez, baratze ekologikoaz eta fruta-arbolez gozatu ahal izango duzue.
Herrigunetik 2 km-ra gaude, eta hondartzatik eta aireportutik 3 km-ra. Gure etxea mendi aldean dago, Guadalupeko Santutegiaren eta Jaizkibel mendiaren magalean, eta, beraz, mendi-ibiliak egiteko aukera asko daude.
Hondarribia oso herri polita da, Erdi Aroko alde zahar harresitua, Marina auzoan jatetxe on ugari, itsasargia, arrantza-portua, kirol-portua eta hondartza ditu, besteak beste. Eta oso ondo kokatuta dago Donostia (18Km), Donibane Lohizune (20-30 Km), Baztan bailara (50Km), Zarautz, Getaria eta Zumaia (30-35 Km) bisitatzeko.