01/03/2016

Udaberria
Zer iruditzen zaizu udaberri honetan ezagutu beharreko lau destino zoragarri aurkezten badizugu? Liluraturik eta maitemindurik utziko zaituzten Euskadiko lau txoko. Bakarrik zein lagunen batekin gozatzeko modukoak. Hasi maleta prestatzen, konbentzituko baitzaitugu. Goazen!

Santa Maria Katedrala (Vitoria-Gasteiz)

Vitoria-Gasteizko bihotzean bertan, erdi aroko alde zaharrean, Santa Maria Katedrala aurkitzen da. Haren historia XIII. mendean abiatzen da hiriaren historiaren lekuko izanik. Estilo gotikokoa Gasteizko Katedrala eraiki zenetik izandako egituretako arazoak zirela eta itxi behar izan zuten. 1999 urtean osorik berriztatzeko proiektuari ekin zitzaion eta prozesu horretan zehar hura ikusteko bisitaldi plana jarri zen martxan. Hamarkada luze bat baino gehiagoz milaka eta milaka pertsona hurbildu dira Vitoria-Gasteizko Katedralaren Irekita eta obratan erakusketa ikustera.

Hondarribia, kostaldeko herri xarmagarria

Euskal kostaldea herri zoragarriz beterik dago. Bitxiak eta koloretsuak, udalerri hauek gure lurraldearen turismorako erreferente bihurtu dira. Gaurkoan Hondarribiaz arituko gara, politenetakoa benetan. Donostiatik 20 kilometrora dago, muga naturala eratzen duen Bidasoa ibaiaren bokalean, beste ertzean Frantziako Hendaia herria baitago.

XIII. mendearen hasieran sortutakoa, alde zaharra Multzo Monumental izendatua izan da. Oraindik ere XVI-XVII. mendeetan hiribildua inguratzen zuten harresi eta bastioien parte handi bat mantentzen da. Bertako kostaldeko etxetxoak ere ezin dituzu galdu, jakin badakigu gustuko izango dituzula.

Laguardia, ardoaren berezko esentzia

Arabako hegoaldean kokaturik Laguardia aurkitzen dugu, herrialdeko herririk politenetakoa. Kristo aurreko XII. mendera bueltatzen bagara gizakien presentziaren aztarnak aurkituko ditugu. Baina egungo hiribildua gure garaiko XII. mendean eratu zen, gaur egun oraindik ere orduko harresia mantenduz. Laguardia Arabar Errioxako ardoaren hiriburutzat har daiteke. Eskualde ardogile honetako epizentroa. Inguruan kilometro gutxira jatorri deiturako upategirik ezagunenak aurkitzen dira.

Euskadiko Parke Naturalak

Euskadin bederatzi parke naturaldaude. Bederatzi bitxi natural, gure naturaren hoberena batzen duten bederatzi biriki. Aparteko aniztasun horretan euskal parke naturalek benetako altxorrak gordetzen dituzte. Txori santutegiak, desagertze arriskuan dauden espezieen babeslekuak, baso zoragarriak eta abar luze bat naturaren zaleen gozamenerako. Gure lurraren berezko esentzia eta natura ezagutzeko gonbita luzatzen dizugu.