23/07/2021

Doako_ezetapena_Covid-19

Nekaturren landa-ostatuen erabiltzaile eta lagun estimatuak,

Mugikortasunaren murrizketei amaiera eman zaio eta, dagoeneko, Euskadiko, bai eta beste autonomia-erkidego batzuetako bezeroak eta bezero atzerritarrak har ditzakegu. 

Gaur egungo araudiaren arabera, gure lizentziak onartzen dituen bezainbeste bezero jaso ditzakegu, aforoa %50ekoa izanik eremu komunetan (bai logelakako ostatuetan, baita alokairu osokoetan ere). Beraz, zonalde honen erabileran, zein eskaintzen diren jatetxe-zerbitzuetan (gosariak/bazkariak/afariak), edukiera mugatuko da txandak ezarriz edo logeletan gosariak eskainiz, ostatuaren Kontingentzia Planean jasotakoaren arabera, eta mahaiak gehienez 4 lagunekoak izango dira.

Gure bezeroei zuhurrak izateko eta Covid-19a murrizteko gure ostatuetan ezarritako protokoloak betetzen laguntzeko eskatzen diegu. Arauak betetzearen mende dago gure jarduerak irekita jarraitzea.

Horiez gain, jarraian indarrean dauden neurri batzuk zehaztuko ditugu:

  • Merkataritza-establezimenduak 24:00etan itxi beharko dira gehienez, edukieraren %50era mugatuta egongo dira, eta %40ra 150m2-tik gorako azalera duten establezimenduetan.
  • %50eko edukiera azoka-esparruetan.
  • Azoka txikiek ezingo dute ohiko/baimendutako lanpostuen %50 gainditu.
  • Ostalaritza- eta jatetxe-establezimenduek edukieraren %50eko muga izango dute barnealdeetan, gehienez ere 24:00etan itxiz, eta ezingo dute 6:00ak baino lehen ireki jendearentzat. Debekatuta egongo da barran edo zutik kontsumitzea. Gutxienez metro eta erdi egon beharko da mahai desberdinetan eserita dauden pertsonen artean. Mahaiek 4 lagunekoak izan beharko dute gehienez (bizikideen kasuan izan ezik), eta ezin izango dira bi mahai edo gehiago batu.
  • Txokoak, elkarte gastronomikoak, lonjak eta antzekoak itxita egongo dira.
  • Gaueko aisia izenekoa itxita egongo da.
  • Hotel, kanpin eta turismo-ostatuetako eremu komunen gehieneko edukiera %50ekoa izango da, eta ezingo da inoiz 30 pertsonako muga gainditu aldi berean.
  • Kultura-ikuskizunen ospakizunek %50eko edukiera izango dute, eta gehienez 400 pertsona espazio itxietan; 600 pertsona espazio irekietan. Kultura- edo gizarte-ekitaldi guztiak 24:00ak baino lehen amaitu beharko dira.
  • Kendu egin dira aire zabalean kirola egiteko pertsonen taldeei jarritako mugak.
  • Aire zabalean egiten diren museoetara, erakusketa-aretoetara, natura-turismoetara edo jolas- eta turismo-zentroetara taldeek egiten dituzten bisiten gehieneko kopurua 10 pertsonakoa izan daiteke.

Euskadiko egoera epidemiliogikoaren berri izan nahi baduzu, hurrengo estekan ikus dezakezu informazioa: Covid-19 datuak Euskadin .

DOAKO EZEZTAPENA COVID-19

COVID-19ak sortutako krisi sanitarioaren eta ekonomikoaren ondorioz, Nekaturren salbuespenezko neurri bat hartzea erabaki da 2020rako edo egoera normalizatu arte. Nekaturren web orriaren bidez egindako erreserben ezeztapenek ez dute inolako zigorrik izango bezeroarentzat, baldin eta horren arrazoia COVID-19ak eragindako egoerak badira.

Behean aipatutako edozein kasutan, bezeroak honako aukera hauen artean aukeratu ahal izango du:

1.- Ostatuan egindako erreserba beste data jakin batzuetara atzeratzea.

2.- Nekatxeke bat jasotzea, ostatu berean egon ahal izateko, datarik zehaztu gabe.

Kasu horretan, bezeroak txeke bat jasoko du ordaindutako aurrerakinaren zenbateko berberarekin, eta zenbateko hori erreserba berritik deskontatuko da. Bezeroak urtebeteko epea izango du egonaldia ostatu berean egiteko, eta, urtebete igarota, egonaldia egin ezin izan badu, itzultzeko eskubidea izango du.

3.- Erreserba doan ezeztatzea; kasu horretan, ordaindutako aurrerakinaren %100 itzuliko zaio.

HAUEK DIRA COVID-19K ERAGINDAKO EGOERAK:

  • Jatorriko edo helmugako agintariek aginduta bidaiatzeko ezintasuna.
  • Edo COVID-19ren eraginpean egotea, kutsatzeagatik edo kutsa daitekeelako berrogeialdian.
  • Hurbileko senide baten heriotza.
  • Establezimenduak ostatua eskaintzeko ezintasuna, arrazoia edozein dela ere.