25/11/2019

Urte bati agur esan eta hurrengoari ongi etorri esateko egun gutxira gaude. 2020 heltzear dago eta une aproposa da errepasoa egin eta zera adierazteko: urte aproposa izango da gure lurraldea den esperientzia hori bizi ahal izateko.

Jadanik argi daukagu musika egunerokotasunean oinarrizko elementua izango dela. Udan Vitoria-Gasteiz, Getxo eta Donostiako jazzaldiez gozatuko dugu. Azkena festibaleko rockak, BBK Liveko doinu abangoardistek edo Donostia Fest jaialdiko gorabidean diren artistek haien txanda izango dute ere. Eta ezin ahaztu BIME, gure inguruneko festibal estalien artean hoberenetakoa urteari bukaera emateko.

Gainera futbol Eurokoparen azken faseak kontinenteko futbolarik hoberena hurbilduko du Bilbora. Eta goi mailako kirol ezberdinetako gure taldeez gozatzen jarraituko dugu, bai futbolean zein saskibaloian, eskubaloian,… eta nola ez, hain gureak diren euskal pilota edota herri kiroletan, gure kulturaren nortasunaren benetako ikurrak.

2020. urtean gure hondartzez eta parke naturalez gozatzen jarraituko dugu. Arabako Errioxako ardoaz eta sagardotegi sasoiaz gozatuko dugu. Gure museoak oihartzun handiko erakusketez beteko dira. Guggenheim, Gasteizko Artium, Chillida Leku,… zerrenda amaigabea da. Eta ez dugu ahaztuko gure gastronomia, Michelin izarren konstelaziotik hasita munduko pintxorik hoberenen tabernetaraino.

Euskadira bisita egiteak zer suposatzen duen ikusiko zenuen dagoeneko, baina oraingoan haratago helduko da. Gure lurraldeak eskaintzen duena ezin baita mila edo hamar mila hitzetan laburtu. Edo agian bai, baina ziur ez dela gauza bera zentzumen guztiekin bizitzea.

2020an Euskadi zuk nahiago duzun moduan bizitzeko gonbitea egiten dizugu. Nekaturretik pozik lagunduko zaitugu zure esperientziarekin. Egonaldirik hoberena eskainiko dizugu gure nekazal turismo eta landa etxeei esker, seguruenik benetako euskal esperientzia bizitzeko hoberenak. Bila ezazu gustukoen duzuna eta prestatu zaitez 2020an esperientzia ahaztezina bizitzeko.