01/04/2018

Hurrengo asteak galdu ezin diren ospakizunez gainezka helduko zaizkigu, ihesalditxo batez gozatu ahal izateko oso aproposak. Galdu ezin dituzun hiru ospakizun gomendatzerik nahi? Ikus itzazu eta gogoko izanez gero maleta egin eta kito. Goazen bada!

San Prudentzio: Arabako patroia

Hartu gogoan egun hau: apirilak 28. San Prudentzio eguna da, Arabako patroi dena. Egun horretan Vitoria-Gasteizko kaleak jai-giroz gainezka aurkezten dira, Armentiako inguruetan batez ere non erromeria ospatzen den. Bertan era guztietako ekitaldiak antolatzen dira: kontzertuak, kirol erakustaldiak eta baita azoka zoragarria ere. Ordu batzuk lehenago erretreta eta danborrada tradizionalaren unea da eta horrekin ematen zaio hasiera jai egunari. Arabako hiriburuan bizi beharko zenituzke 24 ordu zoragarri horiek.

Olatu Talka: Donostia kultur jarduerez gainezka

2010era bueltatu behar dugu Olatu Talka festibalaren lehen urratsak gogoratzeko. 2016rako Europako Kulturaren Hiriburutzaren proiektua gogoan izanik hiritarren parte hartzea sustatzeko sortu zen festibal hau. Hamarkada bat ondoren Olatu Talka hiriaren kultur agendan finkatu egin da eta 200 ikuskizun baino gehiagoko agenda bat eskaintzen du. Urte honetarako agenda maiatzaren 25, 26 eta 27an garatuko da eta jende guztia dago parte hartzera deiturik. Ikusiko al dugu elkar Donostian!

‘Goya eta Gorte Ilustratua’ Erakusketa Bilboko Arte Ederretako museoan

Francisco de Goya azkeneko hiru mendeetako artistarik garrantzitsuenetakoa da. Haren obrak, nobleziaren erretratuez gain, garai hartako herri xumearen hainbat uneko argazki eskaintzen dizkigu. Maiatzaren 28ra arte Bilboko Arte Ederren Museoan Aragoiko pintorearen ehun bat lan erakusgai dira. Erakusketa honetan azaltzen diren hainbat margo Pradoko Museotik ekarritakoak dira. Oso erakusketa zoragarria gure lurraldean dagoen museorik interesgarrienetakoa deskubritzeko aitzakia aproposa izan daitekeena.

Konbentzitu al zaitugu? Primeran! Orain azken ukitua

Gaurkoan hurrengo asteotarako 3 plan zoragarri eskaini dizkizugu. Gure proposamenak gustuko izan badituzu utzi azken bat egiten, gure lurraldearen toki xarmangarri batean kokatutako gure ostatuetako bat. Pasa zaitez gure bilatzailetik eta deskubritu itzazu. Pozez hartuko zaitugu haietan.