01/11/2016

Hiru txoko ezberdin aurkeztu nahi dizkizugu. Gure lurraldera egiten duzun hurrengo bisitaldian galdu ezin dituzun hiru hiri-txoko. Bakoitza oso leku ezberdin batean baina besteak bezain interesgarria. Beti bezala, hartu maleta eta utzi lekua motxilan gozamenerako bidaia egitera baikoaz.

Tabakalera Zentroa (Donostia)

Tabakalera Donostiako kultura garaikidearen nazioarteko zentroaren izena da. 2015. urteko bukaeran inauguratu zen 1913ko tabako fabrika zaharrean. Donostiako kultura eta gizartearekin hain lotura estua zuen eraikin hura gizarteari irekitako kultur egitasmo honetarako tokirik hoberena zen. Gaur egun hiriaren kultur zutabe nagusienetakoa da. Erakusketak, zinea, kontzertuak, hitzaldiak,… eta hori guztia arkitektura bereziko eraikin horretan. Donostiara hurbiltzekotan, ez galdu!

Floridako Jaiotza monumentala (Vitoria-Gasteiz)

Florida parkeko Jaiotza 1962. urtekoa da. Gasteizko erdigunean dagoen parke polit honetako parte handi bat hartzen du. Jaiotzako figurak tamaina naturalekoak dira. Parkearen landaretzak eta giroak oso atmosfera bitxia eragiten dute. Pixkanaka figura kopurua eta dekoratuak hazten eta hobetzen joan dira planetako Jaiotzarik ederrenetakoa bihurtu arte. Jaiotza abenduaren 5etik urtarrilaren 6ra ikusteko aukera egongo da.

Arte Ederren Museoa (Bilbao)

Gaur egun Guggenheim museoa hiriaren kultur sinboloa bada ere, 1908. urtetik, Bilbo hiriak Arte Ederren Museoa bezalako instituzio artistikoa dauka. Haren bilduma 10000 elementura heltzen da, eta horietatik 600 erakusketa iraunkorrean daude. Bilboko pinakotekak azken 400 edo 500 urteotako zenbait artistarik hoberenen margo eta eskulturak gordetzen ditu. Bizkaiko hiriburura etortzerakoan bisitatu beharreko toki miragarria.

Ostaturik behar?

Proposatutako txokoren bat edota gure lurraldeko bestelako tokiren bat aukeratu baduzu Nekaturren eskura dauzkazun ostatuak begiratzeko gonbitea luzatzen dizugu. Haietan soilik izango duzu gure lurraren eta kulturaren erroei loturiko esperientzia berezia. Familia giroko egonaldia ingurune paregabean. Zure zain gaude!