01/10/2016


Eguna/k: Azaroak 13

behobia 2016

Behobia Gipuzkoan kokaturik dagoen Irun udalerriko auzo bat da. Bertan egon ziren antzinako fosforo lantegia edo hiltegia. Baina ia 10.000 biztanle dauzkan auzo hau historiako zenbait pasarte kenduta ospetsua bada duela berrogeita hamar urtetik hona bertan hasi eta herrialdeko hiriburuan bukatzen den lasterketa bategatik da. Nola ez Behobia-Donostia lasterketaz ari gara.

Berrogeita hamabi edizio ospatu badira jadanik lasterketa honen historia 1919. urtean kokatu behar da, urte horretan ospatu baitzen lasterketaren lehen edizioa. Zortzi urte ondoren 30. hamarkada arte egon zen berriz ere antolatu gabe. Geldialdi luze baten ondoren 70. hamarkadaren bukaeran eta C. D. Fortuna taldearen eskutik Behobia-Donostia lasterketa berrabiarazi zen. Berpizte horren lehen edizioan 1000 inguru baino ez ziren agertu lasterketara. Iazkoan 34.000 atleta baino gehiagok eman zuten izena. Aurtengo hitzordua azaroaren 13an izango da.

Zer dela eta 20 kilometroko lasterketa batek erakartzen du hainbeste jende? Agian kirol ospakizun soila izateari utzi diolako. Kirolariek ibilbidea maite dute eta asko dira urte osoa lasterketa hau prestatzen ematen dutenak. Beste arrazoietako bat ikusleak izan daitezke. Irungo eta Donostiako ikusleen babesa lasterketako kilometro guztietan zehar sentitu daiteke. Udalerri bietako biztanleak ateratzen dira kalera milaka eta milaka parte hartzaileen ahalegina ikustera.

Nekaturretik lasterketa honetan parte hartu behar duzuen guztioi gure babesa eskaini nahi dizuegu. Profesionala izan zein ez lasterketarekiko ahalegin eta pasioa miresgarriak iruditzen zaizkigu. Zorte on!

Behobia-Donostian parte hartuko duzu? Begira itzazu ingurune horretan dauzkagun ostatuak. Atsedenik hoberena eta ibilbide ofizialetik hurbil entrenatzeko aukera eskaintzen dizkizugu.