01/06/2016

 

Udarekin batera Euskadin ezinbesteko musika hitzorduak nagusi dira. Udako festibalek era guztietako musika estiloak ekartzen dituzte gurera nazioarteko erreferenteak direnekin gau-ekitaldi zoragarriez gozatzeko aukera eskainiz. Egingo al dugu ezinbestekoak diren hitzordu hauen errepasoa?

Azkena Rock Festibala (ekainak 17-18): Beste urte batez Vitoria-Gasteiz nazio eta nazioarte mailako rockaren hiriburu bihurtuko da. Festibalaren 15. Urtemugan, Azkenak panoramako izar handiak izango ditu hala nola The Who, Primal Scream, Lucinda Williams edo Danzig. Rock, country eta blues soinuak swing ñabardurekin eta oinarri nagusi bat: kalitatea.

Bilbao BBK Live (uztailak 7-8-9 julio): Egungo soinu indie-aren erreferente bihurtu den festibala. Aurtengo edizioan Kobetamendik banda mitiko zein punta puntakoak bilduko ditu: Pixies, Arcade Fire, Tame Impala, Foals edo Underworld. Indie, pop, rock eta musika elektronikoan oinarrizko bihurtu den hitzorduan.

Kutxa Kutxa Kultur Festibala (irailak 2-3): Donostiako hitzordu hau bere tokia hartzen ari da musikaren panoraman. Kartelaren gehiena oraindik konfirmatu gabe badago ere Bloc Party, Belako edo Berri Txarrak bezalako bandek distira emango diote.

Hondarribia Blues (uztailak 14-17): Hondarribiak duela 9 urtetik ospatzen du benetako Blues festibala. Iparramerikako benetako soinuak gipuzkoar kostaldeko udalerri honentzat. Lurrie Bell bezalako jenioak musika hitzordu honetan izango dira.

Eta jazza?

Urtero bezala uztaila jazzaren hilabetea izango da Euskadin. Getxoko, Vitoria-Gasteizko eta Donostiako festibalek genero honetako bizirik dauden mitorik hoberenak ekarriko dituzte eskenatokietara. Lehenengo hitzordua Bizkaiko udalerrian izango da uztailaren 1etik 5era. Edizio honetarako Getxo Jazz festibaleko antolatzaileek Esperanza Spalding edo Dee Dee Bridgewater izar handiak izango dituzte kartelean.

Bai Getxo Jazz zein Vitoria-Gasteizko jazz festibalak 40. Edizioa ospatuko dute aurten. Gasteizko hitzordua egun batzuk ondoren ospatuko da, uztaiaren 12tik 16ra. Jamie Cullum dugu Jazzvitoria festibalaren edizio honetarako izen nagusia, halere bertan izango dira Taj Mahal, Joshua Redman edo Pat Methany ere besteren artean.

Azken hitzordua Donostiakoa da, non Jazzaldiaren edizio berri bat ospatuko den. Festibalaren 51. Edizioa uztailaren 20tik 25era ospatuko da. Karteleko izenak? Gloria Gaynor, Diana Krall, Brad Melhdau edo John Scofield, batzuk aipatzearren.

Ostaturik behar?

Udako musika festibaletako batera etortzeko asmorik baduzu eta ostaturik behar baduzu gure laguntza izango duzu aukeratzeko orduan. Pasa zaitez gure bilatzailetik eta aukeratu zure hitzordu musikaletik hurbilen dauden ostatuen artean. Nekaturreko ostatuetan hurbiltasuna, familia giroa eta erosotasuna izango dituzu eta hori guztia ingurune pribilegiatu batean.